Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Sustapen kultura bultzatzen egindako beharra saritu dute

Hezkuntza

R.M. Azkue Ikastolak jaso du negozio ideia lehiaketako saria; Koikili Lertxundik bere esperientzia kontatu du.

iRAti urberuaga

Azaro Fundazioak bultzatuta, ikasturtean sustapen kultura lantzen ibilitako ikastetxeak batu ziren atzo, Markina-Xemeingo Esperanzako enpresa aretoan. Ondarroako BHI, Txomin Agirre Ikastola, Zubi Zahar Ikastola, Lekeitioko BHI, R.M. Azkue Ikastola eta Markina-Xemeingo Bera Kruz Ikastolakoak elkartu ziren.

Hitzordu berezia izan zen. Eurekin egon zen-eta Athletic-eko jokalari Koikili Lertxundi. Baina futboleko esperientzia barik, berak daukan enpresaren berri ematera joan zen. Itzarri SLL-ko partaide da bera, «parte-hartze eredu berrietan oinarritzen den aholkularitza enpresa bat, giza kapitalaren garapenean espezializatua». Besteak beste, enpresa bat sortzerakoan kontuan ze gauza hartu behar diren azaldu zien ikasleei.

Emozio handiena, hala ere, amaierarako gorde zuten. Yanoba Mariezkurrena Azaro Fundazioko ekintzaile teknikariak ikasleek ikasturtean egindako negozio ideia lehiaketan aurkeztutako ideiak zerrendatu zituen. «Bat aukeratu behar izan dugu, eta ez da izan batere erraza», aitortu zuen. R.M. Azkue Lekeitioko Ikastolako ikasleek jaso zuten: afari bat edo horren baliokidea dirutan, janari osasungarriaren buffeta ideiagatik.

Ikasturtean beste hainbat ekimen egin dituzte: eskualdeko datu sozio-ekonomikoak ezagutu, enpresak bisitatu eta kasu praktiko bi landu.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.