Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Mendi martxako logoak ekainaren 18a baino lehen aurkeztu beharko dira

Aulesti

Irabazleak 300 euro jasotzeaz gain, bere logoa mendi martxako kamisetetan eta karteletan ikusi ahalko du.

asier alkorta

Udazkenean Aulestin egingo den mendi martxarako logo lehiaketa ipini du abian mendi martxako Batzordeak. Aurten, gainera, aukeratzen duten logo onena mendi martxako kamisetetan ipiniko da.

Aurreko urteetan bezala, aurten ere, Aulestiko mendi martxa batzordeak martxako logo lehiaketa jarri du martxan. Azaldu dutenez, edonork edukiko du lehiaketan parte hartzeko aukera, baina lanak ekainaren 2tik 18ra aurkeztu beharko dira, udaletxean.

Lehiaketako arauak denen eskura egoteko, batzordeak eskuorri bat argitaratu du. Bertan, zehatz azaltzen da zeintzuk diren lehiaketan parte hartzeko bete behar diren baldintzak.

Lehenik eta behin, lehiaketan parte hartu ahal izateko, logoa koloreetan egina egon beharko da. Koloreetan ez ezik, originala eta inoiz inon argitaratu bakoa izan beharko dela argitu dute antolatzaileek.

Logoan, Ermitarik ermita eta Aulesti hitzak sartu beharko dira bakarrik; mendi martxaren urtea eta zenbatgarren aldia den ipintzea antolatzaileen esku geratuko da. Logoaren ezaugarriak zehaztu eta gero, berau aurkezteko modua argitu nahi izan du batzordeak. Horrela, parte-hartzaileek ekainaren 18a baino lehen paperean eta CD batean eroan beharko dute udaletxera lanak. «Gehienez, bi logo aurkeztu ahalko ditu parte- hartzaile bakoitzak».

Logoa aurkezteko baldintzak

Logoa gutunazal baten sartu eta lanaren izena azalean ipini ondoren, aparteko gutunazal baten, egileak izen-abizenak, helbidea eta telefonoa idatzi beharko ditu. Horretan ere lanaren izenburua ipini beharko da, azalean.

«Lanak aurkeztu eta gero, logoak ez dizkiegu egileei bueltatuko. Irabazi asmo barik argitaratu eta zabaltzeko eskubidea antolatzaileona izango da, logoak saria jaso edo ez», argitu dute maendi martxako batzordekoek.

Mendi martxa batzordea izango da lehiaketako epaimahaia, eta irabazleak 300 euroko saria jasotzeaz gain, bere logoa mendi martxa iragartzeko karteletan eta kamisetetan ikusi ahalko du; sariketa San Joan Egunean egingo dute.

Epaimahaiari ez bazaio aurkeztutako logorik gustatzen, saria eman barik geldituko dela jakitera eman dute.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.