Edukira joan

Izena emateko epea zabaldu dute giza prestakuntzako zentro berrituan

Gizartea

Aldaketekin ekingo diote datorren ikasturteari; eraikin berriaz gain, ikasleek aukera zabalagoak edukiko dituzte.

leire akarregi

Eraiki 33 Lea-Artibaiko Giza Prestakuntza Zentro berriaren eskaintzen aurkezpenagaz matrikulazio kanpaina martxan ipini dute. Aldaketa nabarmenekin aurkeztu dute egitasmoa. Arretxinagako lokaletik Kareaga industriguneko pabilioietara aldatzeaz batera, orain arte ez modura, ikasleek, besteak beste, ziurtagiri arautua lortzeko aukera edukiko dute datorren ikasturtetik aurrera.

Lanbide Hasierako zuzendari Miriam Basterretxeak eta Lea-Artibai Amankomunazgoko lehendakari Jesus Mari Sarasuak eta Gizarte Zerbitzuetako teknikari Eli Burgoak argitu zituzten atzo, egitasmo berriaren nondik norakoak.

Titulazio arautua

Zentro berriak urteetako beharrizanari erantzuna emango diola azpimarratu zuen Basterretxeak. Azpiegitura berrituei ez eze, ikasleek jasoko duten ziurtagiriari eman zien garrantzia: «Eskualdean hogei urte daroe lanbide hasierako programek. Orain arte ez arautua izan bada ere, datorren ikasturtetik aurrera lanbide ziurtagiri arautua jasoko dute ikasleek. Beraz, 16tik 20 urtera arteko gazteek titulazio bategaz irtengo dute hemendik». Horrenbestez, egitasmoa aurrera eroaten emandako laguntzagatik Amankomunazgoak egindako apustua eskertu zuen Lanbide Hasierako zuzendariak, «zentrorako ez eze, gazteentzako ere laguntza handia izango delako; ikasleek merezitakoa».

Aukera gehiago

Lanbide Hasierako zentroaz gain, Eraiki 33 Giza Prestakuntza Zentroak «arrazoi mota askogatik baztertuta geratzen diren pertsonei begirako zentroa izan nahi du».

Eli Burgoak azaldu zuenez, «kostatako proiektua izan bada ere, azkenean ailegatu da». Gazteei zuzenduta dagoen Lanbide Hasieragaz batera, «gizarteratzeko» hainbat tailerrek osatuko dute eraikin berriko eskaintza. Aldi batean gizartetik kanpo geratzen diren pertsonen kopurua gorantz doala azpimarratu zuen Burgoak. «Gizarte zerbitzuetatik laguntzak bultzatu behar ditugu, eta bide horretan zentro berria beste aurrerapauso bat izango da».

Sarasuak aurreratu zuenez, abendu bueltarako amaituko dute zentro berria. Aukera bietan izena emateko epea zabalik dago: Arretxinagako Lanbide Hasieran edo Amankomunazgoan eman behar da izena.

 

eskaintzak



Ikastaroak

Ostalaritza.

Sukalde laguntzailea.

Eraikuntza.

Eraikinen oinarrizko mantenimentuko laguntzailea.

Lan tailerrak

Baso-bideen garbiketa.

Eremu publikoen margoketa.

Gizarteratzeko tailerrak

Etxeko brikolajea eta kudeaketa.

Altzarien berriztapena eta birziklaketa.

Gizarte trebetasun eta denbora kudeaketa.

Ekologia eta hiritatarsun aktiboa.

Elikadura eta osasuna.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© 11barri S.L. - Xemein etorbidea 19, 48270 - MARKINA-XEMEIN - Tel.: 946168202
Faxa: 946168219 - E-posta:

Internet Ehuntzen S.L.-k garatua

11barri S.L.