Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Oceana Elkarte Internazionalak herriko itsas hondoa aztertuko du

Ingurumena

Uztailean helduko da 'Ranger' ontzia herrira; itsas eremu babestuak sortzea da azterketaren helburua.

garbiñe garagarza

Kantauri itsasoaren %0,1 bakarrik dago babespean

Herriko itsas hondoa ikertu eta haren egoeraz jabetzea. Hori da Oceana Elkarte Internazionalaren aurtengo espedizioaren helburua.

Itsas hondoaren azterketarako, Ranger ontzia herriko uretan ibiliko da uztailean. Guztira, hamalau lagunek osatuko dute tripulazioa, eta gehienak ikerlariak eta ur azpiko argazkilariak izango dira.

Herrian 350 metroko sakontasuneraino aztertuko dute hondoa. «Kostaldetik hasi eta sakontasun handiagoen arteko ekosistemen eboluzioa aztertu nahi dugu. Ahalik eta informazio gehien eskuratuko dugu. Izan ere, Kantauri itsasoaren ahalik eta zati handiena babestea lortu nahi dugu», azaldu dute elkartetik. Hondoak jasandako degradazioa edota urteetako eragina nolakoa izan den jasoko dute. Habitatari ere erreparatuko diote. «Ekosistema ahulenak aurkitu eta haien gestiorako neurriak proposatuko ditugu».

2008ko espedizoa

Oceanak herrian egingo dituen azterketak espedizio zabalago baten parte izango dira. 2008ko espedizioa ekainaren 1ean jarriko dute martxan, Vigon.

Kantauri itsasoa babesteko ahaleginetan, Galizian, Ons irla aurrean, Costa da Morte delakoan, Sisarga irletan eta Abadeo errekan ibiliko dira; Asturiasen, Peñas lurmuturrean, Cudilleron eta Ribadesellan; Kantabrian Suances eta Santander artean eta Ajo lurmuturrean; eta Euskal Herrian, Mutrikun ezezik, baita Matxitxako eta Higer lurmuturretan eta Urdaibain ere. Guztira, Oceana Ranger ontziak itsas hondoen 1.000 milia aztertuko ditu.

Kantauri itsasoaren %0,1 bakarrik dago babespean

Kantauri itsasoaren eremu oso txikia dago babespean: %0,1. Europa kontuan hartuta, berriz, portzentaia ez da asko igotzen: %0,5.

Oceana espedizioaren helburua eremu hori handitzea denez, ikerketa Biodibertsitatearen Fundazioari laguntzeko izango da. Oceanatik azaldu dutenez, Atlantikoaren ipar mendebaldeko itsas hondoaren babeserako Oslo eta Parisko Hitzarmenaren arabera, 2010erako babestuak izan beharko liratekeen eremuen zerrenda eginda egon behar da. Gainera, Nazio Batuen Biodibertsitaterako hitzarmenak 2012an itsas eremuaren %12 babespean egon behar dela aurreikusten du. Hori kontuan izanda, Oceanak Kantauri itsasoan egingo dituen azterketak garrantzi handikoak izango dira.

Ikerketa egiteko erabiliko duten Oceana Ranger ontzia 21 metroko luzera duen katamaran bat da. Expedizioaren aurreko hilabeteetan --maiatzaren 20ra arte¬ Sagunton (Valentzia) egon da, Galiziatik Euskal Herrira bitartean egingo duen ikerketarako prestatzen. Aurrez, Karibe itsasoan, Atlantikoan eta Pazifikoan aritu izan dira ontzi horrekin lanean. Azken bi urtean Mediterraneoan egon da, eta 200 urperatzetik gora egin dituzte.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.