Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Haurreskola martxan ipiniko dute datorren ikasturterako

Etxebarria

Matrikula egiteko aukera zabalik dago barikura arte; udaletxean eskura dago «informazio guztia».

eider mugartegi

Gutxieneko hiru matrikula lortzen badira, haurreskola egongo da Etxebarrian datorren ikasturtean. Errekarte auzoan kokatuko da 0-2 urte bitarteko umeentzako eskola berria.

Zortzi umerentzako lekua izango duen haurreskola egingo du Udalak. 42 metro karratuko hiru moduluk osatuko dute gunea, eta hainbat atal edukiko ditu: umeak hartzeko harrera gela, zaintzaile zein umeentzako komunak eta aldagelak, jolasguneak eta lo egiteko guneak osotuko dute eskola. Horretaz gainera, kanpoan, umeentzako jolaslekua eraikiko dute, «aterpe eta guzti».

Aukera berria

Herrian zegoen eskaria ikusita, Udala patzuergoagaz akordio batera ailegatu zen. Matrikulazioa burutzen denean hitzarmena sinatuko dute bi erakundeek. «Herriko eskariari erantzun bat ematea da helburua; herritarrentzako aukera berri bat izango da», esan dute Udaleko ordezkariek.

Eraikina prestatzea Udalaren ardura izango da, eta dena prest daukate horretarako. «Azpiko lurzorua lau modulu ipintzeko moduan egingo dugu. Momentuz, hiru ipiniko dituzte, baina gehitu beharra balego prest edukiko dugu», azaldu dute. Bestalde, zaintzaile eta hezitzaileen ardura patzuergoarena izango da. Gainontzeko haurreskoletako araudia eta funtzionamendua edukiko ditu.

Etxebarriko haurreskolan izena emateko epea zabalik dago barikura arte. Interesa dutenek edo zerbitzuaren gaineko informazio gehiago nahi dutenek udaletxera jo dezakete.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.