Lea-Artibai eta Mutriku

Lea-Artibai eta Mutriku
2008ko azaroak 21, Barikua

Bai Euskarari

Laguntzaileak

Baserritar jantzita, jai giroan

Gizartea

Giroa sortzea zen Gazte Asanbladaren helburua, eta lortu egin dute; txupinazoagaz hasi dute eguna, eta kontzertuagaz amaitu.

edurne burgaña

Herrian aspaldion giro gutxi zegoela zioten batzuek, baina atzokoan herria bizi-bizi jarri zuten Etxebarriko Gazte Asanbladak egindako deiagaz bat egin zuten herritarrek. Baserri Eguna ospatu zuten, eta 11:30ean hasi zuten eguna, txupinazoagaz.

Orain dela urte batzuk ere egiten zuten Baserri Eguna, eta urte pare bat antolatu barik egon ostean, jaia berreskuratu nahi izan du Gazte Asanbladak. Txupinazoaren ostean, asto lasterketa egin zuten, eta horretxek bai sortu zuela giroa.

Hiru asto, eta bakoitzaren gainean, mutil bana. Asto bi gazteak ziren, eta hirugarrena, zaharragoa. Zaharrena lasai samar ibili zen, baina beste biek buruko min galanta sortu zien gainean zeuden mutilei, eta barre algara mordoa espaloitik begira zeuden gainerako herritarrei.

Triki-poteoa egin zuten gero, eta goiza amaitzeko, bazkaria frontoian. Koadrila bakoitzak bere gisatua egin eta jan zuen. 80 lagun inguru batu ziren. Eta bazkalostean, bertso saioa eduki zuten.

Gero baserri jokoak egin zituzten: sokatira, txokor batzen eta altxorraren bila, besteak beste. Iluntzean, Zaloa Zenarruzabeitia herriko euskal preso politikoaren aldeko ekitaldia ere egin zuten. Eta eguna amaitzeko, EnkaPUNKtxados eta Trastornoren rock kontzertua egon zen; eta ostean, erromeria, Joxpa taldeagaz.

Uztailaren 12an Mutrikun egingo den «proiektu txikitzaileen» aurkako egunera joateko deia ere egin zuten atzo gazteek.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.