Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Hondartzako zerbitzugunea eroateko eskari bi aurkeztu dituzte Udalean

Udala

Eskariak jasota, bost egunean erabakiko da kontratua zeini eman; ustiapenaren iraupena lau hilabetekoa izango da.

larraitz ibaibarriaga

ARRIGORRIk kalitatea eta ingurumena zainduko ditu

Bi dira Arrigorri hondartzako zerbitzuak esplotatu nahi dituztenak. Interesatuek atzo zuten eskari agiria aurkezteko azkenengo eguna. Orain, eskariak jasota, bost egunen barruan erabakiko dute udal agintariek zerbitzugunea aldi baterako zeini laga.

Jarduerak eta baldintzak

Izozkiak, fruitu lehorrak, gozokiak eta antzerakoak salduko dituzte uda sasoian hondartzako gunean. Horrez gainera, komunak, dutxak eta aldageletako zerbitzua esplotatuko dute kontratua lortzen dutenek, bai eta biltegi zerbitzua ere.

Ekainaren 1ean hasita, ustiapenaren iraupena lau hilabetekoa izango bada ere, adjudikatzaileak eta adjudikaziodunak adostuz gero, kontratua luzatu ahalko da. Kontratuaren iraupen osoa hala eta ere, luzapenak barne, ezingo da izan hiru udalditik gorakoa.

Bete beharreko ordutegiak

Kontratuz, komunak, dutxak eta aldagelak 10:00ak orduko ireki beharko dituzte udaldian egunero, eta 21:00ak arte egongo dira erabiltzaileen eskura. Eta instalazio horiek guztiak erabiltzeko baldintza egokian laga beharko dituzte uda amaieran.

ARRIGORRIk kalitatea eta ingurumena zainduko ditu

Kalitatearen ISO 9001:2000 eta Ingurumenaren ISO 14001:2004 baldintzak beteko dituen sistema ezarri dute Arrigorri hondartzan. Horrenbestez, kalitateari eta ingurumenari buruzko politika integratuan parte hartzen duten erakundeek, Bizkaiko Foru Aldundiak, Eusko Jaurlaritzako Osasun Sailak eta Ondarroako Udalak hurrengo konpromisoak hartu dituzte: erabiltzaileen eskakizunak bete eta eurei kalitatezko zerbitzuak eskaintzea, hondartzak irisgarritasun, segurtasun, erosotasun eta baldintza higieniko-sanitario egokietan erabili eta gozatzeko; hondartza erabiltzea eta ingurumena zaintzea bateragarri egitea; ingurunea informazioko politiken bitartez ezagutzera ematea; hondartzaren kudeaketan esku hartzen duten beharginak kalitate eta ingurumenaren babesaren gainean trebatu eta kontzientziatzea; irisgarritasuna eta erabilera erraztea; ingurumen legedia betearaztea eta politika integratua ondo zabaltzea erabiltzaileei.

Jasotako erantzunak:

Mezua idatzi

zeu | 2008-06-04

zer pasa dan jakin nahi dot

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.