Edukira joan

Bizkaiko kayak-surf kontzentrazioa dago asteburuan

Kayak-surf

Karraspioko uretan bilduko dira bihar eta etzi; Lekeitioko Piraguismo Taldeak antolatutako ekimena da.

edurne burgaña

Mendexako Karraspio hondartzan Bizkaiko kayak-surf kontzentrazioa egingo dute asteburuon. Gaur hondartza egokitze beharrak egingo dituzte, eta bihar eta etzi, piragua lagun, uretan hainbat ekintza egingo dituzte. Dzangak, Lekeitioko Piraguismo Taldeak antolatutako ekimena bosgarrenez egingo dute aurten.

Gaur, Karraspio hondartzan, parkinga, kanpatzeko lekua, dutxak eta taberna egokituko dituzte astebururako.

Goiz eta arratsaldez

Bihar 10:00etan errekatik ibilbidea, carwell-ak eta eskimuntaia egiteko izena emateko aukera zabalduko dute. Emperatriz Zita Hotelean egingo duten afarira joan nahi dutenek ere orduan eman beharko dute izena . Gero, 11:00etan hasita, piraguismoko modalitate ezberdinak egiteko aukera egongo da.

Batetik, kayak-surf egin ahalko da: «Emozio handiak gustuko dituztenentzat egokia». Olatuek lagundu beharko dute, baina, horretarako. Eta lasaiago ibili nahi dutenek itsasoan ibiltzeko aukera dute: «Ondarroako eta Eako kostaldea ezagutu dezakete horrela», adierazi dute Dzangako kideek.

Arratsaldean beste ekimen batzuk egingo dituzte. 18:00etan, errekatik ibilbidea: «Umeentzako modukoa da, eta Lekeitioko erreka ezagutu nahi duten guztiei zuzedutako aukera da», azaldu dute antolatzaileek.

19:00etan, carwell-eko eta eskimuntaiko txapelketa egingo dute zubian, minutu batean.

Eguna amaitzeko, afaria egingo dute Emperatriz Zita Hotelean, baita hainbat materialen zozketa ere.

Domekan jarraituko dute ekimenek. Kayak-surf gehiago egiteko aukera egongo da.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© 11barri S.L. - Xemein etorbidea 19, 48270 - MARKINA-XEMEIN - Tel.: 946168202
Faxa: 946168219 - E-posta:

Internet Ehuntzen S.L.-k garatua

11barri S.L.