Lea-Artibai eta Mutriku

Lea-Artibai eta Mutriku
2008ko urriak 12, Domeka

Hasiera > Paperekoak

RSS

Harpidetu zaitez!

Bai Euskarari

Laguntzaileak

Patxi Juaristik 'Gerra Zibila, jendea da hila' aurkeztu du

Markina-Xemein

Uhagon kulturgunea aukeratu du markinarrak herritarren aurrean liburua aurkezteko.

edurne burgaña

Patxi Juaristi markinarrak, Gerra Zibila, jendea da hila liburua aurkeztu zuen atzo, Uhagon kulturgunean. «Gutxi dakigu 36ko gerran gertatu zenaz, aititek-eta kontatutako istorioak soilik. Orduan bizi izandako samina erakutsi nahi izan dut», adierazi zion Juaristik aurkezpenean batutako herritar multzo handiari.

Espainiako gerra «aldaketerako giltza» izan da Juaristirentzat: «Garrantzitsua iruditzen zitzaidan hori ezagutzeko liburua egitea». Markina-Xemeinen 36ko gerran gertatutakoa kontatu du Gerra Zibila, jende da hila liburuan: «Erraz ulertzekoa da, herriko edonorentzako modukoa. Euskaraz irakurtzeko ohiturarik ez duenak edo hamar urteko ume batek eskolan irakurtzeko modukoa».

Memoria historikoa garrantzitsua dela dio Juaristik: «Gure identitatea zein den jakiteko eta etorkizunari aurre egiteko beharrezkoa da», esan zien herritarrei. Espainiako gerran herrian gertatukoaren azalpena eman zien argazkiekin, eta bide batez, proposamena egin: «Hiru urte barru 75. urteurrena izango da, eta polita litzateke omenaldia egitea...».

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.