Lea-Artibai eta Mutriku

172 lagunek parte hartu zuten domekan Etx kultur Elkarteak antolatutako III. Ibilaldi Neurtuan, horietatik 132 Lea-Artibai eta Mutrikukoak. Basa izan da aurtengo protagonista nagusia.

Mendian ibiltzeko giro ederra egin zuen domekan. Zerua estalita egon zen arren, euriak eutsi egin zuen, «ibiltzeko egoki-egokia». 08:00etan irten zuten Plaza Barritik ibilbide luzeko 142 mendizaleek. Eskola ondotik zehar, Done Jakue bide inguruetara egin zuten ibiltariek hornidura gunera heltzeko. Ordura arte nahiko ondo, baina Urkaregitik aurrera, estutasunak pasatu zituzten batzuek, aldapari bideko basa batu eta igotzea gogorra egin zitzaien eta. Mendibilera bidean ere, basa asko aurkitu zuten parte-hartzaileek, «putzuak leku guztietan», zenbaiten esanetan. Hala ere, tontorrera helduta, lasai egin zuten beherantz, Barinagara lehenengo eta handik Etxebarrira.

Emozioa azkenera arte

«Batzuk bizkor ibili ziren, hiru ordu eta laurdenetan egin zuten ibilbidea, eta beste guztiak banaka, binaka, hirunaka heltzen joan ziren eguerdiko 14:30 arte», azaldu dute antolatzaileek.

10:00etarako prest zeuden ibilaldi laburreko 30 parte-hartzaileak. Zazpi kilometro egin behar zituzten, eta bolanderak jo bezain laster hasi zuten martxa Basabe errekaren alboan zehar. Ibilbidean bost errekatxo pasatu behar zituzten, eta trebe eutsi zioten erronkari. Bide zidorretatik zein inguru irristakorretatik pasatzeak algara, txirristada eta erorketak eragin zituen, emozioa hasieratik amaierara arte mantenduz.

Balorazio ona

Iazko ibilbide neurtuan baino parte-hartze baxuagoa izan bada ere, antolatzaileak pozik geratu dira egunagaz. «Giro paregabea eta domeka goiz ederra pasatzeko aukera izan dugu, eta eskerrak eman nahi dizkiegu ibilaldia antolatzen lagundu duten guztiei, eta zelan ez, parte-hartzaileei», adierazi dute antolatzaileek.

Etx Kultur Elkartekoek hainbat argazki atera zituzten ibilaldian, eta horiek guztiak eskura ipini dituzte ondoko webgunean: www.flickr.com/photos/ibiltariak. Beste alde batetik, hirugarren ibilaldi neurtuko parte-hartzaileen denborak ere ikusgai jarri dituzte kultur taldeak duen blogean: www.blogak.com /etx.

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.