Lea-Artibai eta Mutriku

Lea-Artibai eta Mutriku
2008ko urriak 12, Domeka

Hasiera > Paperekoak

RSS

Harpidetu zaitez!

Bai Euskarari

Laguntzaileak

Labaien zuzen finalera

Iritzia

Xabier Astigarraga

Betsolaria eta epaimahaikidea

Ikusleek zeresana edukiko dute Plazatik Gaztetxerako finalistak aukeratzerakoan

Joan den ostiralean jokatu zen Plazatik Gaztetxera txapelketako lehen kanporaketa Elgoibarko Gaztetxean.

Saioa gaueko 22:30erako aurreikusita bazegoen ere, atzerapen apur batekin hasi zen, Jon Katalo gai jartzailearen gidaritzapean. Ederki bete zuen bere lana Katalok, gaiak ondo azalduz eta saioa naturaltasunez gidatuz.

Afaltzen elkartu ziren eta saioa entzutera hurbildu ziren bertsozaleei esker, giro polita zegoen Elgoibarko Gaztetxean. Bertsotarako leku aproposa ezbairik gabe.

Bertsolariei dagokienez, txispa handirik gabe aritu zirela esan behar; tarteka ideia distiratsu edo erantzun dotoreak izan baziren ere.

Ofiziokako lanetan aritu ziren egokien bertsolariak, eta bertan Jokin Labayen arrasatearra eta Xabat Galletebeitia lekeitiarra nabarmendu ziren. Lehenengoa erantzuten erakutsi zuen erregulartasunagatik eta bigarrena bere ideia originalak bertsotara modu dotorean eramateagatik.

Nabarmentzekoa Hodei Iruretagoiena zarauztarrak eta Xabat-ek koplatan eginiko saioa. Erantzuna arrazoiari lotuz eta umore puntua gehituz saio borobila egin baizuten, saioko gogoangarriena. Galletebeitia bakarkakoan ezinean aritu zen, ordea, eta behera egin zuen.

Aipagarria Egoitz Alkorta mutrikuarrak erakutsi zuen erregulartasuna ere. Bertsoak goitik behera ederki osatu zituen, baina ideia fresko falta nabaritu zitzaion.

Bestetik, Maialen Velarde eta Maddi Gallastegi zumaiarrek, euren onenean aritu ez arren, entzulea harrapatzeko gaitasuna erakutsi zuten.

Aurtengo Plazatik Gaztetxerako berritasuna, saioko irabazlea aukeratzeko orduan etorri zen. Epaileek emandako epaiaz gain, entzuleak bertsolari gogokoena aukeratuz norbere bozka eman behar izan zuen.

Entzuleek aukeratutakoa (Hodei Iruretagoiena) eta epaileen epaiak zioena (Jokin Labaien) bat ez zetorrenez, buruz-burukoa jokatu zuten hamarreko txikian, ofizioka.

Azken saio horretan Jokin gailendu zen, eta bide batez, Mutrikuko Gaztetxean jokatuko den finalerako txartela lortu zuen.

Ikusleek zeresana edukiko dute Plazatik Gaztetxerako finalistak aukeratzerakoan

Kultura

Jokin Labaienek lortu du finalerako lehen txartela; Egoitz Alkorta mutrikuarra hirugarren postuan gelditu da.

garbiñe garagarza

Epaimahaia eta ikusleak. Bi aldeen iritzia hartuko da kontuan aurtengo Plazatik Gaztetxera ekimeneko finalisten izenak erabakitzeko orduan.

Jarri da martxan bertsolari gazteen arteko dema ahalbidetzen duen Plazatik Gaztetxera ekimena. Jokin Labaien izan da finalean sartzea lortu duen lehen bertsolaria. Saio berean aritu ziren Egoitz Alkorta Beano mutrikuarra eta Xabat Galletebeitia lekeitiarra; hurrenez hurren, hirugarren eta laugarren postua eskuratu zuten. Hiru bertsolari gazteak Elgoibarren aritu ziren seikoteko parte izan ziren. Eta haiei egokitu zitzaien aurtengo edizioko berritasuna probatzea. Izan ere, finalera zuzenean sailkatuko den bertsolaria aukeratzeko ikusleek paper aktiboa jokatuko dute aurten.

Kanporaketa saioetan lau lan bete beharko dituzte bertsolariek: ofizioka hiruna bertso zortziko handian, ofizioka hiruna bertso zortziko txikian, launa kopla eta gai bati bi bertso. Azken lan horretarako doinua eta gaia libreak izango dira.

Lan denak burutzean, epaimahaiak bere puntuazioaren arabera, bertsolarietako bat aukeratuko du, eta ikusleek, euren aldetik, beste bat. Bi bertsolari horien artetik aterako da finalistaren izena. Horretarako, buruz-burukoa jokatuko dute, eta ofizioka hiruna bertso bota beharko dituzte hamarreko txikian.

Oholtza osatuz

Elgoibarko kanporaketan Labaienekin gertatu zen modura, zuzenean sailkatuko diren beste bi bertsolari egongo dira. Haien izenak maiatzaren 16an Deban eta maiatzaren 23an Soraluzen jokatuko diren saioetatik aterako dira.

Kanporaketa saioek hiru finalista izendatuko dituzte. Seikotea osatzeko falta diren izenak puntuazioaren araberakoak izango dira. Horrela, oraindik ere herriko ordezkaria finalean egoteko aukera egon daiteke.

Guztiak bilduko dituen final nagusia maiatzaren 31n herriko Gaztetxean jokatuko da.

elgoibarko kanporaketako sailkapena

1. Jokin Labaien (196 puntu)

2. Hodei Iruretagoiena (192,5 puntu).

3. Egoitz Alkorta Beano (190 puntu).

4. Xabat Galletebeitia (182,5 puntu).

5. Maialen Velarde (175,5 puntu).

6. Maddi Gallastegi (166,5 puntu).

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.