Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Maiatzaren 17an Bilbon egingo den manifestaziora joateko deia egin du AAMk

Politika

Amnistiaren Aldeko Mugimendua inoiz ez dela desagertuko esan dute; «egongo da besterik lekukoa hartzeko».

asier alkorta

inkesta

Euskal Herriarentzat amnistia eta autodeterminazioa aldarrikatzeko eta, orokorrean, «Euskal Herriaren etorkizunaren alde egiteko», maiatzaren 17an, Bilbon, Euskal Herriak askatasuna behar du lelopean egingo den manifestazioan parte hartzeko deia egin du Lea-Artibaiko Amnistiaren Aldeko Mugimenduak.

Espainiako eta Frantziako estatuen «inposizio politikoei eta militarrei» aurre egiteko asmoz, Lea-Artibaiko ehun herritar inguru batu ziren atzo, Markina-Xemeingo udaletxe zaharraren aterpean. «Amnistiaren alde eta errepresioaren aurka» preso ohiek, presoen senideek eta zenbait herritarrek bat egin zuten. Kantu eta bertsoz osatutako ekitaldi xume baten bidez, «Euskal Herriak jasaten duen egoeraren ikuspegi orokorra» eman nahi izan zuten.

«Ilegalizazioak, espetxe zigorrak, atxiloketak... Azken hamarkadetako euskal preso politikoen kopururik handiena daukagu gaur egun». Egoera horren aurrean, AAMk euskal herritarrei urratzen zaizkien eskubideak defendatzen jarraituko duela azaldu zuten. «Herritarron eskubide zibil eta politikoen alde borrokatzen jarraituko dugu. Nazio honen eskubideen defentsa bermatuko dugu».

Gertaera guztien aurrean, estatuek «herritar askok osatzen duten mugimendua» desagerrarazterik ez dutela lortuko gaineratu zuten. «Guri edozer egingo digute, baina egongo da lekukoa hartu eta aurrera egingo duenik».

«Isilduko ez diren ahotsak»

AAMko kideen ahotsak ez direla inoiz isilduko esateaz batera, Euskal Herriaren «garaipenerako bidea» eraikitzen jarraitzeko konpromisoa erakutsi zuten. «Errepresioa jasaten dutenak, presoak eta iheslariak etxean izan arte horrela segituko dugu».

Iratxe Ibarra eta Xabat Galletebeitia bertsolariek ere euren leloak bertsoen bidez plazaratu zituzten. Ondoren, Zaloa Zenarruzabeitia preso etxebarritarraren ahotsa lau haizetara zabaldu zuten, Mendigoixaliarena abestiagaz.

Hasierako aldarriagaz amaitu zuten ekitaldia antolatzaileek, Bilbora joateko deia eginez.

inkesta

1. Zuk zeuk bizitakoa gogoan, zerk bultzatzen zaitu maiatzaren 17an Bilbora joatera?

«Autodeterminazioa aldarrikatu behar dugu»

Mikeldi Zenigaonaindia

Preso ohia

Nik bizitakoa ez diot inori desio, eta ondorioz, preso gehiago egon ez daitezen, bizi dugun salbuespen egoerari «aski da» esateko eta Euskal Herriaren irtenbidea den autodeterminazioa aldarrikatzeko kalera irten behar dugu.

«Ezin dugu gehiago; trabak gainditu behar ditugu»

Mertxe Reoyo

preso baten senidea

Dispertsioa eta errepresioa inoiz baino gogorrago pairatzen ditugu orain. Gero eta preso gehiago dago, eta horiek bisitatzeko gero eta gaitzagoa da egoera. Ezin dugu gehiago, bide berri bati ekinez, traba guztiak gainditu behar ditugu.

«Erantzuteko beldurra galdu behar dugu»

Gillermo Soberon

Herritarra

Gaur egun bizi dugun egoera oso txarra da, eta etorkizuna ere ilun ikusten dut bide horretatik bagoaz. Horregatik, maiatzaren 17an gurea dena defendatzeko joan behar gara manifestaziora; erantzuteko beldurra galdu behar dugu.

«Euskal Herria aspaldi dago epaitegien esklabu; ezkertiarrok, bakezaleok baditugu hainbat kargu, baina ez dute ezer lortuko utziko diegu klaru; guk erasoen aurrean argi esan beharra daukagu: Euskal Herriak amnistia ta askatasuna behar du»

Xabat galletebeitia

Bertsolaria

«Bakea ez da inoiz helduko makroepaiketen bidez, torturatuen aurrean beti ezikusia eginez; mozino bidez lortu ez dana kartzelaraino indarrez herrietako gazteak ere eroaten dabez tatarrez, ta hori dana salatzen daben taldeak zigortzen dabez»

Iratxe Ibarra

Bertsolaria

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.