Lea-Artibai eta Mutriku

Antxoa Eguna Elkarteak VI. Antxoa Eguna dakar. Hamar egunen faltan ¬maiatzaren 17an ospatuko da¬ Kofradia Zaharrak hartu zu-en, atzo, aurkezpen ekitaldia. Felix Aranbarri udalburuak, Josu Etxaburu Antxoa Egune Elkarteko kideak eta Jesus Mari Sarasua Lea-Artibai Amankomunazgoko lehendakariak hartu zuten berba, ekitaldi xumean.

Jaia eta aldarrikapena, bat

Antxoa Egunaren inguruan sortzen diren aldeko eta kontrako eztabaida eta bolo-boloak alde batera laga nahian, Etxaburuk Antxoa Egune Elkartearen izaera «bizia» dela azaldu zuen, eta unean uneko egoera aztertzen dutela azpimarratu. Horren harira, iaz Kofradiagaz hitzartu legez, aurten hitzorduagaz aurrera egitea erabaki dutela jakin eragin zuen, «antxoa galdu nahi ez» delako, hausnarketa egin ostean. «Antxoa Ondarroarentzat izan da zutabe garrantzitsua, eta nahi dugu izatea». Hartara, Antxoa Egunak aldarrikapen kutsua edukiko du, «eutsi behar zaiolako», antxoaren eta arrantzaleen egoera kalera aterata.

Lau eguneko egitaraua

Eguaztenerako, maiatzak 14, antolatu ditu Antxoa Egune Elkarteak lehenengo ekimenak, tartean, Aztiren hitzaldia, ikastetxeetako LH5eko ikasleei zuzenduta.

Eguenean urtetik urtera indarra hartzen doan ekimena egingo da: pintxo lehiaketa. Antxoa faltan, herriko beste arrain batzuekin prestatu beharko dituzte jakiak Euskal Herriko jatetxe eta tabernetako sukaldariek. Hiru ondarrutarrak izango dira.

Zapatuagaz etorriko da Antxoa Eguna, berrikuntzagaz. «Denentzako eguna bihurtu» dute eguna, «gazteei goizetik eta iluntzera arte gozatu ahal izateko aitzakia emanda». Hori horrela, arrain paella lehiaketa baten inguruan egingo dute saiakera txikia. Eta etxe barrura begiratuta, Urrezko Arraiña ez da banatuko. Trukean Ondarroako Arrañe saria biri emango zaie: Alkoholiko Anonimoei bata, «egiten duten behar isilagatik» eta Pantxo Bedialauneta Urrezko Arzak Sariaren irabazleari bestea.

Arratsaldean zazpi elkarte ibiliko dira beharrean, momatxagaz, perlitagaz eta sardinagaz, jaira bildutakoek dasta dezaten. «Ondarroako arrainagaz egingo da» hortaz, Antxoa Eguna. 4.500 pintxo prestatuko dira, boluntario, erakunde eta eragileei esker. «Guk bakarrik ezingo genuke egin».

Ken 7ren musikak agurtuko du seigarren edizioa, Itsasaurren.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.