Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Habixi sortu da, etxebizitza eskubidea defendatuko duen talde berria

Berriatua

Bihar, «etxebizitzaren egoeraren erantzuleak» markatuko ditu; hilaren 10ean, manifestazioa egingo dute.

asier alkorta

Berriatuko Gazte Asanbladak (BGA) etxebizitza eskubidearen aldeko taldea sortu du: Habixi. Taldeak «beste herri eredu bat lortzeko» etxebizitza politika berriztatu beharra dagoela azpimarratu nahi izan du sortu bezain pronto. Horrela, Berriatuko Udalari bere lehen eskakizuna egin dio: herritarren parte-hartzeagaz, herriko egoera islatuko duen azterketa bat egin dezala.

Joan den astean egin zuten Habixiren aurkezpena Berriatuko frontoian. «Etxebizitzarako sarbidea euskal gizartearen arazo larrienetako bat bilakatu da, eta soka gero eta estuago daukagu», azaldu zuten taldekideek aurkezpenean. Euskal Herriko gazteek bizitza independente bat edukitzeko duten «zailtasuna» azpimarratzeaz gainera, Berriatua ere «zementuaren negozioan» ez dela kanpoan geratu esan zuten Habixikoek. «Etxebizitza bat izateko eskubidea daukagu, eta ez diogu inori eskubide horren kontura aberasten utziko; ez gara bankuen txotxongiloak». Izan ere, gaur egun gazteriak lan munduan bizi duen «egoera prekarioaren» eta etxebizitzen prezioen gorakadaren aurrean ezin direla besoak gurutzatuta gelditu esan dute Habixikoek. «Egoera larri horrek erantzuleak ditu: bankuak eta eraikuntza enpresak, besteak beste», zehaztu nahi izan dute.

Aurrera begira, «eginbehar asko»

Sortu berri bada ere, Habixik argi dauka egiteko asko daudela Berriatuko eta, orokorrean, Euskal Herri osoko etxebizitzaren egoera hobetzeko. «Aurrera begira, erronka handiak dauzkagu. Lehenengo, Berriatuko etxebizitza politikagaz inor gehiago ez aberastea lortu behar dugu; beharrizana dutenen eskubideak bermatzen ahaleginduko gara». Hori lortzeko, «sasi alternatibak alboratu» eta «benetako beharrizana» dutenentzako proiektuak gauzatzeko proposatu du taldeak.

Datozen egunetan, herriko jaiak direla eta, sangregorioak, mobilizazioak iragarri dituzte taldekideek. Bihar bertan, «etxebizitzaren egoeraren erantzuleak markatzeko» hitzordua jarri dute, 11:00etan, herriko plazan. Maiatzaren 10ean, ostera, rock kontzertuaren egunean, 22:00etan egingo duten manifestazioan parte hartzeko deia egin diete herriko gazte guztiei.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.