Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Gipuzkoako lehenengo BTT zentroa eskualdean irekiko dute, uztailean

Aisialdia

Kirola egiteko eskaintza berri bat izateaz gain, turismoa bultzatzea dute helburu; 397,7 km pista prestatuko dituzte.

garbiñe garagarza

fitxa teknikoa

«Eskualdea industriagatik ezaguna izan den arren, naturak eskaintzen dizkigun baliabideak balorean jartzea ahalbideratu du BTT zentroaren proiektuak». Horrenbestez azaldu zuen, atzo, Debegesako lehendakari Irune Berasaluzek uztailean irekiko den Gipuzkoako lehen BTT zentroak eskualdeari egingo dion ekarpena.

BTT zentroen proiektua atzo aukeztu zen Debegesan. Funtsean, mendiko bizikletei zuzendutako ibilbide sarea da, baina kirola egiteaz gain, «turismoa bultatzea» du helburua. Elgoibarko Mintxetan izango du harrera puntua, eta 397,7 kilometro pista prestatuko dituzte haien erabilerarako. Euskadiko BTT zentroen sarearen baitan irekiko den hirugarren zentroa izango da eskualdekoa.

Berasaluzerekin batera, Elgoibarko alkate Alfredo Etxebarriak, Debegesako zuzendari Juan Angel Balbasek eta Jaurlaritzaren Turismoaren Garapenerako Euskal Agentziako zuzendari Mercedes Rodriguezek egin zuten proiektuaren aurkezpena. «Mintxetako gunean hainbat zerbitzu topatuko dituzte erabiltzaileek; besteak beste, alokairua, aldagelak, pistei buruzko datuak, kanpinak eta bizikletak konpondu eta garbitzeko gunea. Baina horrekin batera, eskualdeko azpiegiturei buruzko informazio zabala ere edukiko dute. Horrela, kirola eginez eskualdea ezagutzea da sustatu nahi duguna», azaldu zuen Rodriguezek. «Sare hau natur turismo eskaintzaren dibertsifikazioa, landaguneen dinamizazio turistikoa eta euskal landa guneen ondare eta natur aberastasuna ahalbideratzen duen produktu berri bat da», gaineratu zuen.

Proiektuaren gauzatzea hitzartu aurretik, guztiak bat etorri ziren eskualdeko eragileek BTT zentroaren garapenean izan duten garrantzia azpimarratzean. Balbasek, herriz herri parte hartu duten guztiak izendatu zituen, «haien lanari aitorpena emate aldera». Mutrikuren kasuan, Burumendi Mendi Taldeko presidente Pedro Basterretxea, Atxukale Txirrindu Taldeko ordezkari Benito Romero eta Ameikutz Taldeko Ander Peña izan ziren izendatuak.

fitxa teknikoa

Ibilbideak. 16 ibilbide.

Zailtasunak. Gradu ezberdinetako koloreen bidez adieraziko dira: Erraza (berdea): 18,20 km. Ertaina (urdina): 11,40 km. Zaila (gorria): 105,10 km. Oso zaila (beltza): 263 km. Loturak (morea): 10,10 km.

Homologazioa. Euskal Txirrindularitza federazioak homolagatuko ditu pista guztiak.

Informazioa. Mintxetako harrera puntuaz gain, bideen, aktibitateen eta GPS erreferentzien informazioa www.euskadibttzentroak. com webgunea lortu daiteke. Deba eta Mutrikuko turismo bulegoetan eta eskualdeko bost kanpinetan ere eskuragarri egongo da.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.