Lea-Artibai eta Mutriku

Lea-Artibai eta Mutriku
2008ko azaroak 21, Barikua

Bai Euskarari

Laguntzaileak

Augustin Zubikarai sariek jabea daukate, diploma eta aldizkari itxuran; Kofradia Zaharreko bigarren solairua testigu, Leire Bilbao eta Ana Urkiza idazleek letraz jantzi dute aretoa, ipuinik ipuin.

Letren atzeko istorioak

larraitz ibaibarriaga

Leire Bilbaok eta Ana Urkizak hartu zuten herenegun Kofradia Zaharreko atrila. XII. Augustin Zubikarai Ipuin Lehiaketa hizpide, sariak banatu ziren. Ondoan, mahaian jesarrita, Beatriz Zubikarai ¬Augustin Zubikarairen alaba¬, Felix Aranbarri udalburua eta Miren Josune Ariztondo Bizkaiko Foru Aldundiko Kultura diputatua zeuden.

Aretoa bete-bete eginda zegoen 19:00ak ailegatu orduko. Irabazleek eta haien guraso eta irakasleek hartu zituzten aulkiak, harro. Irabazleak ¬aulkietan jesarrita batzuk eta aretoaren azken lerroan zutik gehienak¬ urduri xamar zeuden, irribarreak partekatzen.

Saio xumean, Augustin Zubikarairen berbak ekarri zituzten gogora, hark bere ibilbide luzean egindako beharra eta euskararekiko zeukan maitasuna eta konpromiso irmoa. «Euskaraz idazten hasi eta jarraituko duten euskal idazleak ezagutzea eta bultzatzea zuen helburuetako bat Augustinek, eta kezka horri erantzun bat emateko bide bat da gaur hemen egingo duguna».

Bat-batean hiru estralurtar irten ziren, eta haurrak ezkutatu egin ziren beldurraren beldurrez. Orduan estralurtak batek esan zuen: lasai, ez beldurrik izan, zuen lagunak gara! Irati Azkarate Beitiaren ipuin fantastikoaren berbek eman zioten hasiera diploma banaketari. Hari segi egin zioten gainerako hamabi sarituen kontakizunek.

Diploma bana jaso zuten, txalo zaparradak tarteko.

Jon Bedialauneta Sevillaren Bizitasuna galduz ipuinak itxi zuen ekitaldia. Bera izan da Lea-Artibai Sailean irabazlea. Sail horretan, gainera, aitamen berezi bi ere egin zituzten Urkizak eta Bilbaok: Tania Laño Calderoni eta Beñat Lasarte Akarregiri.

19:30. Kofradia Zaharretik sarituen ipuinak biltzen dituen aldizkaria besopean atera dira guztiak.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.