Lea-Artibai eta Mutriku

Lea-Artibai eta Mutriku
2008ko azaroak 21, Barikua

Bai Euskarari

Laguntzaileak

Hiru egunez egon da zabalik Musika Eskolaren ibilbide luzea irudikatzen duen erakusketa; herritar askoren bisita jaso eta gero, jai giroan itxi dituzte erakusketaren ateak, txistulari eta guzti.

Musika noten oroitzapenak

asier alkorta

Musikak momentuak markatzen ei ditu, eta musika entzunaz, bizitakoa gogora ekartzen dute askok. Izan ere, nahikoa da musika nota bat entzutea iraganeko argazkiak burutik pasatzen ikusteko. Aulestin, ondo baino hobeto gogora ekarri dituzte musikaren baitan urte luzeetan egin duten beharra. Musika Eskolak 25 urte baino gehiagoko ibilbidea irudikatzen duen erakusketa zabalik eduki du, eta aulestiarrek ezin izan dute etxean geratu. Herenegun itxi zuten erakusteka, jai giroan.

Hiru egunez egon da musika noten baitan egindako erakusketa hori zabalik, eta ordutik, herritar asko joan dira lehengo argazki zaharrak ikusi eta urteetan atzera eginaz, beraiek bizitakoa gogoratzeko asmoz.

Kepa Ibarra soinujolea eta Pio Zesteruena dultzaineroen argazkiekin hasi zen erakusketa, eta Musika Eskolaren ibilbideko errepasoa egiten zuen proiekzioagaz amaitu. Tartean, herriak musikagaz bizitako momentu asko azaltzen ziren argazkietan eta atriletan ipinitako azalpen orrietan. Argazkiak ez ezik, musika tresnak ere ikusgai egon dira.

Herriko txikienek ondo baino hobeto jakin dute aukera hori aprobetxatzen, eta egunero ibili dira bertatik. Musika tresnak egiteko txokoa eduki dute, musikagaz jolasteko balio zuen ordenagailu baten alboan.

Herenegun, erakusketaren ateak zarratzeko, txistu ikasleek hiru kanta jo zituzten. Txistuak kanta folklorikoak baino gehiago jotzeko balio duela erakutsi zuten aretoan batutako jendetzaren aurrean.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.