Lea-Artibai eta Mutriku

Lea-Artibai eta Mutriku
2008ko abenduak 5, Barikua

Bai Euskarari

Laguntzaileak

Nahiz eta herri barruan gertatzen diren istripuak ekiditeko neurriak hartu, oraindik ere, istripu nahikoa egoten da; horren ondorio dira oinezkoen eta gidarien axolagabekeri edo hutsegiteak.

Gidari eta oinezkoen ardura

nerea bedialauneta<\#000>

ISTRIPU GEHIENAK HIRIBILDUAN GERTATZEN DIRA
HIRIGUNEAN gertatutako ISTRIPUAK HERRIZ HERRI

Azkenaldi honetan herrietan dauden zebrabideak nahikoa buruhauste eragiten ari dira bai herritarrei eta baita bertoko agintariei ere. Batzuen ustez, zebrabide gutxi daude, besteen iritziz, ostera, zebrabide asko ez daude behar duten tokian. Ondarroako Itsasaurreko zubian, esate baterako, nahiz eta lehendik behetik iragotzeko bideak eduki, jendeak nahiago izaten zuen errepidetik pasatu. Beraz, Udal Kudeaketa Batzordeak zebrabideak ipini zituen. Baina zebrabide berriek nahikoa zer esan eragin dute bai oinezkoen artean, bai gidarien artean ere.

Horrez gain, zebrabide falta sumatu dute Ondarroako herritar askok. «Artabide kalean zebrabide gutxi daude, eta hori gutxi ez balitz, horietako askotan autoak aparkatuta egoten dira sarri-sarri. Eskerrak trafiko handiko gunea ez den...», dio kale horretako bizilagun batek. «Antiguako Ama eta San Ignazio kaleetan, adibidez, bi zebrabide aurki ditzakezu metro gutxiren barruan, baina herriko beste hainbat tokitan pintura bukatu zitzaiela ematen du», aipatu du beste herritar batek.

Alabaina, gure inguruotan hainbat motatako zebrabideak aurki ditzakegu: bizi guztian ezagututakoak, semaforodunak eta sakangunea dutenak. Aipatutako azken horiek, sekulako segurtasuna ematen diote oinezkoari, batez ere, duten altuerak ibilgailuak geldiarazten dituelako. Baina gidari profesional asko kexatzen dira horietaz. Anbulantzietako langileek barruan doazen gaixoentzat hainbesteko binbiliketa ez dela ona diote: «batez ere, larrialdi uneetan ospitalera ziztu bizian joan beharra dagoenean edo eta gaixoak dituen zauriengatik geldi-geldi eroan beharra dagoenean».<\#000>

ISTRIPU GEHIENAK HIRIBILDUAN GERTATZEN DIRA

Portaerari dagokionez, zapalketa istripu gehienak hirigunean gertatzen dira, eta datuen arabera, horietako %76 oinezkoek eragindakoak dira.

Herritarren erdiak baino gehiagok zebrabidea ez den toki batetik edo semaforoa oraindik gorri dagoenean gurutzatzen duela onartzen du. Baina gidari erdiek baino gehiagok oinezkoei ez dietela pasatzen uzten onartzen dute. Gainera, laurdenak semaforoa gorri dagoela ere gurutzatzea aitortu du datuen arabera.

Hori guztia murrizteko edo ekiditeko, Jaurlaritzako Barne Sailak segurtasun planak martxan jarri ditu azkenaldian, eta isunak ere jartzen hasiak dira kasu batzuetan. Gidarien kasuan, zebrabideetan oinezkoei lehentasuna ez emateagatik lau puntu gal daitezke eta 300 eurora arteko isunarekin zigor daiteke. Baina oinezkoek ere 90 eurorainoko isuna jaso dezakete, semaforoa gorri dagoen bitartean bidea gurutzatuz gero.

Europako beste herrialde askotan, Danimarka kasu, zebrabideak oso ongi errespetatzen dira, eta semaforoa gorrian badago ez du inortxok kalea gurutzatzen.

Ondorio moduan hauek aipa daitezke:

-Euskal errepideetan hildako 10etik 2 oinezkoak dira, hots, %20.

-Hiru egunetik behin, bi oinezko hil edo larri zauritzen dira.

-Oinezko hilen portzentaia %38 jaitsi da 1993a geroztik.

-Hildako oinezkoen %60 gizonezkoak dira, eta bitik batek 64 urte baino gehiago ditu.

-Gidari zapaltzaileen %90 gizonezkoak dira, eta %5,7k alkoholemia frogan positibo eman dute.

-Astebukaeretan zapalketa hilkor gehiago gertatzen dira.

-Zapaldutako oinezkoen gehiengoa gauez edo argitasun gutxiko uneetan zapaldu dira.

-Zapalduta hildakoen %46 era txarrean gurutzatzen duten oinezkoak dira.

HIRIGUNEAN gertatutako ISTRIPUAK HERRIZ HERRI

1997 1998 1999 2000 2001 2002 2003 2004 2005 2006 Amoroto 0 0 1 0 0 2 0 1 0 1

Aulesti 0 2 0 0 1 0 0 0 0 0

Berriatua 0 0 3 0 1 0 0 0 0 0

Etxebarria 1 0 0 1 0 0 1 0 1 0

Gizaburuaga 0 0 0 0 0 0 1 0 0 0

Ispaster 5 0 0 0 1 0 1 0 1 0

Lekeitio 3 1 1 0 3 0 2 0 0 0

Markina-Xemein 2 1 1 1 2 2 0 3 1 0

Mendexa 0 0 0 1 1 0 0 0 0 0

Munitibar 0 0 0 0 0 0 0 0 0 0

Mutriku 0 0 2 1 5 5 2 2 1 1

Ondarroa 0 2 0 1 2 0 3 0 2 1

GUZTIRA 11 6 8 5 16 9 10 6 6 3

Hildakoak 0 0 2 2 2 1 0 1 2 0

Larriak 3 1 1 0 3 5 2 2 0 0 Arinak 4 4 4 3 10 3 7 3 4 3

Zauri gabe 4 1 1 0 1 0 1 0 0 0

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.