Lea-Artibai eta Mutriku

Lea-Artibai eta Mutriku
2008ko azaroak 21, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Pou anaien emanaldia, gaur, Ansotegin

Etxebarria

Ansotegi kulturegarriz izeneko ekimen kulturala martxan jarri dute Ansotegi Hotelekoek.

e. mugartegi

'7 Pareta 7 kontinente' egitasmoa azalduko dute pou anaiek

Pou anaiek emanaldia eskainiko dute gaur, 20:00etan, Ansotegi Hotelean. Ekitaldia, Ansotegi kulturegarriz ekimenaren barruan sartzen da.

Aste Santuan egon zen Unhe Trio taldearen jazz kontzertuagaz hasi zen Ansotegi kulturegarriz ekimena. Erakusketak, antzerkiak, kontzertuak, bertsoak, poemak, mendia... kulturari lotutako edozein gai landuko dute Ansotegi Hotelean, hilean behin. Ansotegikoek hotelari beste erabilera bat eman nahi diote, «beti ere kulturari lotuta». «Ez dugu nahi hotela eta taberna izatea bakarrik, herriarentzako beste erabilpen bat edukitzea nahi dugu, eta hori dela eta, kulturari lotutako ekimen bereziak antolatuko ditugu», azaldu dute.

Egitasmo horren barruan datoz Pou anaiak 7 pareta 7 kontinente ekimenaren gaineko berbaldia ematera, eta proiekzioa emateko hotelaren saloiko horma erabiliko dute. «Jazz kontzertua ere saloian izan zen, eta giro polita egotea lortu genuen. Oraingoan ere, giro atsegina egotea dugu», esan dute antolatzaileek.

Lehenengo ekimen biak barruan izan badira ere, hemendik aurrerakoak barruan zein kanpoan antolatuko dituzte. «Eskualdeko artisau, idazle eta artistei esan nahi diegu hemen dutela leku bat eurek behar dutenean erabiltzeko», esan du Gontzal Hernando Ansotegi Hotelekoak.

'7 Pareta 7 kontinente' egitasmoa azalduko dute pou anaiek

Lurrean diren zazpi pareta eder, enblematiko eta zailenak eskalatu dituzte Iker eta Eneko Pouk. 7 Pareta 7 kontinente izenagaz bataiatu zuten egitasmoa, eta horren gaineko ikus-entzunezkoa emango dute Ansotegi Hotelean, gaur.

2003an Ipar Amerikan eta Europan izan ziren Yosemiteko Parke Nazionaleko El Capitan eta Picos de Europako Naranjo de Bulnes eskalatzen. 2004an Mada- gaskar irlara joan ziren Tsaranoro paretak igotzera. Hurrengo urtean, Tasmanian (Ozeania), Totem Pole egin zuten; eta urte hartako udan, bosgarren pausoa egin zuten, Himalayako (Asia) Izen Gabeko Dorrea. 2007an lortu zuten seigarren helburua, Patagoniako Fitz Roy eskalatuz; eta azken erronka 2007ko Eguberri Egunean gauzatu zuten, Antartikan, Zerua Peak bataiatu zuten mendian.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.