Lea-Artibai eta Mutriku

Lea-Artibai eta Mutriku
2008ko abenduak 5, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Azken orduetako eraso matxistaren kontrako aldarria egin dute, isilean

Gizartea

200 lagunetik gora batu da Alamedan; lanerako konpromisoa berretsi du Emakumeen Berdintasun Kontseiluak.

larraitz ibaibarriaga

Isiltasunagaz. Modu horretan gaitzetsi dute herritarrek emakumeen kontrako indarkeria, azken orduetan Ondarroan gertatutako ustezko erasoaren harira.

Emakumeen kontrako indarkeria gehiagorik ez lemapean, berrehundik gora gizon-emakumek bat egin zuen atzo Udalak eta Uxu Emakume taldeak egindako elkarretaratze deiagaz, eguerdian.

Ordu laurdeneko ekimena berdintasunaren aldeko mezuagaz amaitu zen Alamedan. «Denoi dagokigu gure desadostasuna azaltzea eta era berean, egoera hori jasaten duten emakumeei gure elkartasuna, babesa eta laguntza ematea», adierazi zuen Ondarroako Emakumeen Udal Berdintasun Kontseiluko kide batek ekimenaren amaieran. Ondarroako gertaera ez eze, indarkeria jasaten duten emakume guztiekiko elkartasuna erakutsi zuten kontseilua osatzen dutenek, bai eta beharrean jarraitzeko konpromisoa ere.

Txaloek segitu zien berbei, babesaren adierazgarri.

Bihar elkartzeko deia egin du Herritarren Udalak

Atzokoa ez da izango egunotan egingo den ekimen bakarra. Ildo beretik, Herritarren Udalak elkarretaratzea deitu du bihar arratsalderako. 20:00etarako egin dute hitzordua, Alamedan, «genero indarkeriaren amaiera» eskatzeko.

Domekan, lehenengo orduan gertatu zen ustezko erasoa. 28 urteko gizonezko batek ukabilez jo zuen bere emaztea, eta ostean, telefono hariagaz estutu zion lepoa, ia konortea galdu arte. Ertzainak jakinaren gainean zeudela jakin zuenean laga zuen gizonak erasoa.

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.