Lea-Artibai eta Mutriku

Lea-Artibai Amankomunazgoko Droga Gaietako Prebentzio Gaietako zerbitzuak gurasoen arteko topaketak antolatu ditu, bertoko ikastetxeetako guraso elkarteekin eta beharginekin elkarlanean. Azken batean, Haur Hezkuntza, Lehen Hezkuntza eta Derrigorrezko Bigarren Hezkuntzan ume edota gaztetxoak dituzten gurasoei zuzendutako formazio saioak izango dira. Guztiak dira doan, eta herriko guraso guztiei zabalik daudela jakinarazi dute antolatzaileek.

«Seme-alabekin hartu-emanak hobetzeko, hobeto ezagutzeko, laguntzeko eta motibatzeko bideratuta daude hitzaldiak. Baita sortzen diren arazoei irtenbidea topatzeko ere», zehaztu dute arduradunek.

Seme-alabak ulertu eta beraiekin behar modura hitz egiten ikastea, eguneroko gatazka eta egoera larriak positiboki konpontzea, familiaren arteko harremanak eta elkarbizitza hobetzea eta heziketari buruz hausnartzea eta horretan koherentea izatea dira, besteak beste, topaketeri ipini dizkieten helburuak.

Hitzaldiak emango dituztenak «horretarako prestatutako profesionalak» izango dira. Eta egingo dutena gurasoak orientatzea eta aholkatzea izango da. Baina horretarako, gurasoen beraien laguntza ere ezinbestekoa izango dela gaineratu dute.

Hitzaldi batzuk martxoan eman dituzte, eta apirileko egitarauari gaur ekingo diete: 18:00etan, Motibazioa ikasketetarako-1 emango dute Lekeitioko Institutuan, DBHn seme-alabak dituztenei zuzenduta. Bihar, 17:00etan, Lagun taldea eta berdinen harreman garrantzia landuko dute LHn umeak dituztenei zuzenduta.

 

hitzaldiak

R.M. Azkue Ikastola

Apirilak 15. 17:00etan, Estresa, antsietatea umeengan-1, HH, LH eta DBHko gurasoentzat.

Apirilak 17. 17:00etan, Estresa, antsietatea umeengan-2, HH, LH eta DBHko gurasoentzat.

Apirilak 22. 17:00etan, Motibazioa ikasketetarako-1, HH, LH eta DBHko gurasoentzat.

Apirilak 24. 17:00etan, Motibazioa ikasketetarako-2, HH, LH eta DBHko gurasoentzat.

Maiatzak 6. 17:00etan, Lehenengo kontsumoen prebentzioa, LHko 5. eta 6. mailetako eta DBHko gurasoentzat.

Maiatzak 9. 17:00etan, Kontsumo arazotsuen prebentzioa, LHko 5. eta 6. mailetako eta DBHko gurasoentzat.

Maiatzak 13. 17:00etan, Sexualitatea-1, DBHko gurasoei zuzenduta.

Maiatzak 15. 17:00etan, Sexualitatea-2, DBHko gurasoentzat.

Bekobenta Eskola

Apirilak 7. 17:00etan, Aniztasuna-Hezkuntza berezia, HHko gurasoentzat.

Apirilak 16. 18:00etan, Autoestimua, LHko gurasoentzat.

Apirilak 21. 18:00etan, Autonomia, LHko gurasoentzat.

Apirilak 23. 17:00etan, Adinarekin doazen portaera normalak, HHko gurasoentzat.

Maiatzak 7. 18:00etan, Motibazioa ikasketetarako, LHko gurasoentzat.

Markina BHI

Maiatzak 20. 18:00etan, Motibazioa ikasketetarako-1, DBHko gurasoentzat.

Maiatzak 21. 18:00etan, Motibazioa ikasketetarako-2, DBHko gurasoentzat.

Maiatzak 28. 18:00etan, Motibazioa ikasketetarako-3, (DBH).

Bera Kruz Ikastola

Apirilak 9. 17:00etan, Lagun taldea eta berdinen harreman garrantzia, LHko gurasoentzat.

Lekeitioko Institutua

Apirilak 8. 18:00etan, Motibazioa ikasketetarako-1, DBHko gurasoentzat.

Apirilak 10. 18:00etan, Motibazioa ikasketetarako-2, DBHko gurasoentzat.

Apirilak 17. 18:00etan, Arauak eta limiteak, DBHko gurasoentzat.

Apirilak 23. 18:00etan, Kontsumo arazotsuen prebentzioa, DBHko gurasoentzat.

Maiatzak 6. 18:00etan, Jaten duguna gara, DBHko gurasoei zuzenduta.

Zubi Zahar Ikastola*

Txikien gurasoen kezkak argitzen, HHko gurasoentzat.

Familialko balore-eskala aztertzen, HHko gurasoentzat.

Gurasoak gara, nola zaindu gure burua, HHko gurasoentzat.

Zelan sortu ikas-ohitura egoki batzuk, LHko gurasoentzat.

Nola erakutsi talde presioari aurre egiten, LHko gurasoentzat.

Zelan lortu bere burua maitatzen eta ziurtasuna izaten, LHko gurasoentzat.

*Egunak zehaztu barik daude.