Lea-Artibai eta Mutriku

Lea-Artibai eta Mutriku
2008ko abenduak 5, Barikua

Hasiera > Paperekoak

RSS

Harpidetu zaitez!

Bai Euskarari

Laguntzaileak

Abortatzeko eskubidearen alde, autoinkulpatzeko deia egin du Uxuk

Gizartea

Gaztetxean eta lau tabernatan laga ditu taldeak agiriak, herritarrek sina ditzaten; domekan kalean egongo dira.

larraitz ibaibarriaga

autoinkulpazio agiria

Sinadura bilketatik haratago doan ekimena ipini du martxan Uxuk egunotan, «konpromisoa eskatzen duena». Abortatzeko eskubidearen alde, autoinkulpazio kanpaina hasi du.

Anaitasunan, Kulixkan, Basatin Jai Braian eta Gaztetxean autoinkulpatzeko orriak ipini dituzte taldeko kideek herritarren eskura, emakumeek sinatzekoak batzuk, gizonezkoek sinatzekoak besteak, «emakume batek bere burua autoinkulpatzea eta gizonezko batek egitea» gauza bera ez delako. Hartara, «gizonezkoek andreari abortatzen lagundu izatearen errua egotziko die euren buruari sinadura ematean».

Informazioa, kalean

Domekan sinadura mahaia kalera aterako du Uxuk. Taldekideek jakin eragin dutenez, 12:00etatik aurrera egongo dira, Itsasaurre inguruan ¬tabako dendaren aurrean ahal bada¬, abantean ipini duten kanpainaren berri ematen.

Ekimenagaz «emakumeen eta gizonen arteko berdintasun harremanak modu askean garatzea ahalbidetuko duten eredu berriak» bultzatu nahi ditu Uxu emakume taldeak, «kontzientzia, ideologia eta praktika feminista hedatuta».

autoinkulpazio agiria

Agiriaren pasarte batzuk:

«Elizako agintariek eta eskuindar sektoreek familia tradizionala eredu posible bakarra bailitzan inposatu nahi digute. Baina eredu horrek sexuen arteko hierarkia harremanak ezartzen ditu eta emakumearen dependentzia emozional eta ekonomikoa bultzatzen du. Zera exijitzen dugu:

a)Abortatzeko eskubidea. 1979tik 1984ra, mugimendu feministak gizarte-sektore ezberdinen laguntzarekin batera, abortatzeagatik epaitu zituzten Basauriko hamaika emakumeen defentsan borrokatu zuen. Andreak aske geratu ziren, baina abortua ez zen kode penaletik kendu. [...] Azkenaldian, hainbat pertsona atxilotu eta ustez legez kanpoko abortuak egiten zituzten klinikak itxi dituzte. [...]

b)Emakumeen eskubidea da, nahi duten harreman afektibo-sexual mota aukeratzeko. Emakumeok gure gorputzagaz eta bizitzagaz zer egin erabakitzeko eskubidea daukagula pentsatzen jarraitzen dugu. Eta eskubide hori beste pertsonekin ditugun harreman afektibo-sexual mota guztietara eta sortu nahi ditugun elkarbizitzarako ereduetara (nahitaezko amatasuna behartzen ez dutenak) hedatu behar da.

d)Sexu-heziketa edukitzeko eskubidea, emakume bakoitzak askatasunez erabaki dezan. [...]Kontrazepzioa hala sexualitatea eta amatasuna desberdintzeko nola nahi ez diren haurdunaldiak ekiditeko berme bakarra da.

Eskakizun orokorrak hauek dira:

1.- Emakumeek euren gorputzarekin zer egin erabakitzeko eskubidea izatea eta hau bermatzen duen lege bat onartzea. Lege bat haurdunaldien eteteak Osakidetzan era normalizatu baten egitea ahalbidetuko duena eta askatasunez abortatzen duten emakumeen eta kliniken aurkako jazarpena geldiaraziko duena.

2.-Emakumeen eskubide sexualen eta ugaltze eskubideen alde egingo duen prebentzio programak ezartzea, baita sexu-heziketa zabal eta eraginkor bat abian jartzea ere. [...]

Jasotako erantzunak:

Mezua idatzi

Parte hartu | Zure mezua bidali

Parte hartzeko arauak

1. - Saiatu zure artikuluak izen-abizenekin sinatzen. Indar handiagoa du.
2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
* Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
* Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
* Aurreko gauza bera gai orokorrez idatzi behar denean ere.
* Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.