Lea-Artibai eta Mutriku

Bere motxila kontu, istorio, papel eta argazkiz beteta ekarri du oraingoan ere Agustin Egurrola bidaiari eta idazleak (Bartzelona, 1933).

Zelan erabaki zenuen Asiako bidaia egitea?
Nik lehen ere asko ibilitakoa naiz. Urtean hiru lau asteko bidaiak egiten nituen Europan zehar. Autonomo nintzen eta aukera hori neukan. Gero, erretiratu ondoren, pentsioa kobratzen hasi nintzen. Pentsio txikia baina niretzat nahikoa, eta ekitaldi bakarrean munduari buelta ematea akordatu zitzaidan.

Kontinente guztietan egon zara.
Denak egin ditut, bakarrik edo nire pololagaz batera, baina Europa amaitzea falta zaigu. 66 urte egin nituenean Hego Amerika egin nuen, gero hiru urtean ez nuen ezer egin, hurrengo, 70 urtegaz Canadara joan nintzen, 71gaz Australiara, 72gaz Afrika zeharkatu nuen, 73gaz Asia eta 74gaz Europa erdia.

Nondik nora ibili zinen Asian?
Lehenengo bizikletaz egin nuen Turkia osoa batetik besteraino, eta gero Turkiako mugatik Iraneko hiriburu den Teheranera arte. Teheranen bisa ateratzeko asmoa nuen, baina bero handiak egin zituen, nire tripak ez zeuden ondo, eta hizkuntzarekin arazoak nituen, beraz, indarrik ez nuenez, Ingalaterrara bueltatu nintzen.