Lea-Artibai eta Mutriku

Elebitasunea bizi den herrian sinisten ez dutelako eta orokorrean, euskara «galtzeko arriskua» ikusten delako, Lea-Artibaiko Euskal Herrian Euskarazek ezabaketa astea deitu du domekara arte. 

Zehaztutako irizpideei jarraiki, EHEk bi ekintza deitu ditu ezabaketa astearen barruan; barikuan egingo dira ekintzak, bat Lekeition eta beste bat Ondarroan.
Ondarroan 17:00etan dago jarrita hitzordua, Kamiñazpin. Zehatz esateko, txirrindu ezabaketa martxa egingo dute bertaratzen direnek. Lekeition, 20:15ean Konpainiko eliza aurrean elkartuko dira eta bertaratzen direnek, hanka paloekin egingo dute ezabaketa.
Domeka heltzean ezabaketa astea amaituko bada ere, EHEk, betiko irizpideei jarraiki lanean jarraituko duela argitu du.