Lea-Artibai eta Mutriku

MARKINA-XEMEIN

2008-07-04 | 17:15:41

Bilboko euskara, lur azpitik argitara

Pedro eta Aitor Zuberogoitia anai markinarrek Bertan Bilbo liburua idatzi dute XX. mendean, bizkaiko hiriburuan, euskarak izan duen presentzia eta garrantzia jakitera emateko.

Lau urtetako beharraren emaitza, herenegun aurkeztu zuten, Uhagon kulturgunean: Bertan Bilbo. Bizkaiko hiriburua eta euskara: XX. Mendeko historia.

2 erantzun

AMOROTO

2008-07-04 | 15:59:50

Tortilla txapelketak jaigiroari eutsi dio

Pandero erakusketa, meza eta trikiti soinuagaz jaiagaz jarraitu dute gaur Amorotoko bizilagunek

Hori horiak eta borobil borobilak. Horrelako tortillak ikusi ahal izan dira gaur Amorotoko San Martin Jaietako Tortilla Txapelketan. Atzo salbeagaz hasi eta gaur pandero hotsekin jarraituz, sanmartinak eguzkipean aurrera darraite.

Erantzun 1

LEKEITIO

2008-07-04 | 15:22:51

Datorren asteburuan ospatuko da 19. Nazioarteko Kale Antzerki Jaialdia

Mundu osotik etorritako hamaika talde ariko dira kaleetan zehar

Datorren barikuan hasiko da
19. Nazioarteko Kale Antzerki Jaialdia. Barikutik domera kale artearen maisuek herriko kaleak hartuko dituzte. Barikuan, 19:00etan, Amaren alabak taldearen Amaren alabak antzezlanak hasiko du jaialdia: Konpiania aurrean izango da antzerki lana.
Mundu osotik etorritako taldeak ikusi ahal izango dira Lekeitioko gune ezberdinetan. Tartean, iazko Montrealeko umore jaialdian saritutako taldea: Bängditos. Alemanemaniako taldeak Die Schutzengel (Guardian Angels) antzezlana egingo du Lekeition. Suhiltzaile talde bat da, suhiltzaile kamioiagaz...eta irudimenaren ezuzteekin.
Berrikuntza modura, Zuberoan sortua eremua dago. Jaialdiak sortutako eremu berria da eta Zuberoan sortzen diren kultur ekitaldiak Lekeition plazaratzea da asmoa. Amaren alabak antzezlanaren lema kanta sorta bat da: Zuberoako arima taularetzen dute. Bestetik Mixel Etxekopar xirulariak eta Pierre Vissler clownak bat egiten dute musika, poesia, inprobisazioa eta umorearen alorretan.
Konpainia aurrean, plazan, portuan... herriko kaleetan azken batean, antzerkiaz gozatu ahalko da datorren asteburuan.

• 19. Nazioarteko Kale Antzerki jaialdiaren egitaraua

Ez du erantzunik

MUTRIKU

2008-07-04 | 14:32:23

«Kapitalismoan oinarritutako bizi ereduen» aurka agertuko dira gazteak

Herriko gazteekin eskualdeko zazpi asanbladek bat egingo dute; portua izango da bilguneko gai nagusia.

Hilaren 12rako jarri dute hitzordua. Mutrikuko Gazte Asanbladak eskualdeko beste zazpi asanbladekin batera «kapitalismoan oinarritutako bizi ereduei» ezeztza ematea dute helburu.

• EGUNERAKO EGITARAUA

7 erantzun

ETXEBARRIA

2008-07-03 | 16:49:56

70 autok egingo dute Etxebarria eta Elgoibar arteko rallysprinta

Euskal Herriko gidari onenak batuko dira bertan.

Ikuskizuna izango da nagusi, zapatuan, 17:00etatik aurrera, San Migeleko errepidean.Euskal Herriko Rallysprint txapelketan aurrean dabiltzan autoak bertan izango dira eta bertokoen parte-hartzea ere handia izango da. Lea-Artibai eta Mutrikuko zortzi autok igoko dute San Migelko aldatza.

Ez du erantzunik

ONDARROA

2008-07-03 | 15:58:55

Espainiako Txapelketarako sailkatu dira Gaizka Erkiaga eta Alain Badiola, pistan

Gorlizen errepidean jokatutako Bizkaiko Txapelketan maila ona erakutsi du Aurrerak: Erkiagak ihesaldia egin du.

Gaizka Erkiagak Espainiako Txapelketarako txartela eskuratu du Zallan, Euskadiko pistako Txapelketan, kadeteen mailan. Hartara, Aurrera Txirrindu Taldeko bik daukate hitzordua Murtzian (Espainia), abuztuaren 1, 2 eta 3an: Alain Badiola da bigarrena.

4 erantzun

MUNITIBAR

2008-07-03 | 14:02:01

Gazteek etxeen eraikuntza «masiboa» salatu dute

Orain urte batzuk etxe falta bazegoen ere, orain herritarren beharrizanak aldatu egin direla azaldu dute.

Munitibarko gazteek herria etxeen eraikuntza «masiboa» jasaten ari dela salatu dute. Orain urte batzuk herriak etxebizitzen beharra zuela onartzen badute ere, orain, momentu honetan, etxe gehiago eraikitzeak herritarren beharrizanak ez dituztela asetzen azaldu dute.

Ez du erantzunik

Lea-artibai

2008-07-03 | 12:02:24

Gaur egungo markoaren mugak bistan geratu direla dio ezker abertzaleak

Araban, Bizkaian eta Gipuzkoan galdeketa egitea ez dela erabakitze eskubidea gauzatzea esan dute